my favorite things...

Chìn chêng ū chi̍t-ê kà Eng-gí ê influencer chò chi̍t-ê choan-tê kóng i liân sòa 30 kang khai 100 tiám-cheng o̍h Italiano ê sêng kó. Góa sui jiân bô siáⁿ kah ì hit ê lâng ê hong-keh m̄-koh góa ū khì khòaⁿ i hit chi̍p ê iáⁿ-phìⁿ. Pêng sim lâi kóng nā sī chin chiàⁿ í 30 kang 100 tiám-cheng ê sî-kan lâi ha̍k si̍p, góa jīn ûi i tit tio̍h ê kiat-kó sī bē bái ê, mā sī chin chèng siông ê. M̄-koh góa mā tī bāng-lō͘ téng khòaⁿ tio̍h chi̍t kóa lâng tùi i ê sêng kó ka-ná chin giâu gî. Tō ū lâng kóng I án neh khòaⁿ lâi ka-ná chin lī hāi, m̄-koh chí sī chin chho͘ chhián ê mih kiāⁿ, gōakok lâng nā koh ke kóng nn̄g kù i it tēng tō bô hoat tō͘ kè sio̍k ah. Chóng kóng tō sī kám kak i bô hia gâu lah. Góa sī kám kak chit khoán siūⁿ hoat siuⁿ to lū loh. Lâng chok chiá mā ū piáu sī i sī in ūi beh khì koan kong chhit-thô, só͘ í mā iōng i leh tāi-giân kóng kò ê kà-ha̍k-pêⁿ-tâi lâi o̍h, khòaⁿ ê o̍h kàu siáⁿ thêng-tō͘, iah m̄ sī kóng beh 30 kang cheng thong. Góa í kò jîn ê keng-giām lâi kóng, nā sī 30 kang

Góa ài thiaⁿ ê chi̍t siú Málâi koa. 3-4 nî chêng ê koa, iah koh sī bē bái thiaⁿ. Sui jiân góa ê Málâigí lóng bô chìnpō͘（chitmá ōaⁿ óa khì Ìnnîgí hiah khì）.  Senyum tō sī bî bî á chhiò ê ìsù.

Lán tī Tâioân khòaⁿ gōakok tiāniáⁿ ē tàng thiaⁿ tio̍h goânpún ê gígiân, mā ū jībō͘ thang khòaⁿ. Che tùi himsióng tiāniáⁿ chokphín ê lâng lâi kóng sī chin oânchoân ê, lán put chí khòaⁿ mā ē tàng thiaⁿ tio̍h iáⁿphìⁿ goânpún ê hêngthāi. M̄ koh tī Italia, thiaⁿ kóng koh ū kî tha chi̍tkóa Auchiu kokka, in ê gôakok iáⁿphìⁿ lóng ē phòe im, iōng tong tē ê gígiân hòngsàng. Góa tō bat tī Italia khòaⁿ kóng italiano ê Bíkok tiāniáⁿ, goán pêngiú sī tī Tekkok khòaⁿ kóng Tekkok ōe ê 臥虎藏龍（m̄ chai sī m̄ sī kóng The hó͘ chông liông？） . Phòeim tī Italia sī chin tiòngiàu ê, kah che ū siongkoan ê hoane̍k, hoatim tiâu chiàⁿ ê hânggia̍p mā chin chē. Pí lùn kóng lán khòaⁿ tiānsī chiatbo̍k nā chhiáⁿ gōakok lâipin in ittēng ē ū chin choangia̍p ê hoane̍k jîngoân tī hiāntiûⁿ tôngpō͘ hoan e̍k, bē chhiūⁿ lán chia tiāⁿtiāⁿ sī chúchhîjîn tī hiah loān kóng. Kináji̍t beh lâi hunhiáng chi̍t ê iáⁿphìⁿ tō sī leh kóng in ê phòeim hânggia̍p, lāité mā ē tàng thiaⁿ tio̍h tōa tōián  Federico Ferini kóng ōe ê siaⁿ. https://w

Bó͘ chi̍t pái chhut hêng ê hêng-lí

Thiaⁿ tio̍h góan tông-sū leh mn̄g lēng gōa chi̍t ê tông-sū kóng ài khì chhái hóng, m̄ koh tùi hong sī kóng Tâigí ê, m̄ chai ū hoat tō͘ bô. I kóng éng kai ū lah, m̄ koh koh siūⁿ siūⁿ leh kóng, m̄ chai neh, in ūi i Tâigí sī sió ha̍k ê sî kah a-kong a-má leh kóng ê, āu lâi lóng m̄ bat leh kóng. Lēng gōa chi̍t-ê thiaⁿ tio̍h tō kóng i oân choân bē hiáu Tâigí, thiaⁿ mā thiaⁿ bô. Góa mn̄g kóng i sī tó ūi ê lâng, i kóng sī Má-chó͘ lâng. In chhù lóng ka-na kóng “Kok-gí”, liân in Má-chó͘ ê ōe mā bē hiáu. M̄ koh lâng i ē hiáu Eng-gí kap Hoat-gí, mā ū leh siūⁿ beh koh o̍h Sepangâ gí. Góa tiāⁿtiāⁿ nā khòaⁿ tio̍h chit khóaⁿ tāi-chì, lóng leh siūⁿ bô, ná ē tī Tâioân chi̍t kóa Tâigí bô tō sī bó-gí kóng kah lî-lî-lak-lak, iah sī oân choân bē hiáu ê Tâioân lâng, lóng bē kám kak kiàn siàu iah sī pháiⁿ sè, ài kín lâi o̍h. M̄-koh nā kóng sī Enggí, bē hiáu kóng bô tō sī kóng kah lî-lî-lak-lak, tai-ke tō ē kám kak chiok pháiⁿ sè, chin khó sioh, tō ē siūⁿ beh khai khah chē sî kan lâi kā o̍h ho͘ hó.（góa lēn

Ū leh kóng Tâigí ê koh ūi, m̄ chai lín ū thiaⁿ kòe mihkiāⁿ bé siuⁿ chē, hō͘ lâng kóng sī m̄ sī beh “chú/chí thng” chit loh kóng hoat bô？Góa khah chá ū chi̍t-ê tôngo̍h in mama nā khòaⁿ i bé mihkiāⁿ tō ē kā kóng “Lí koh bé, bé hiah che sī beh chí thng m̄？” Chit ê kóng hoat lú thiaⁿ lú hó sńg. 有咧講台語的各位, m̄知恁聽過物件買傷多予人講是m̄是欲煮湯這loh講法無？我卡早有一ê同學, in媽若看伊買物件就會共講 “你擱買買遐多是欲煮湯m̄？”這ê講法愈聽愈好耍！

Ōe ka só͘ kì lo̍k ê 1958 nî ê Kelâng Lîm khai kūn iûⁿ lâu 畫家眼中1958年 ê 林開郡洋樓 Chin chē nî chêng bat tī Facebook khòaⁿ tio̍h lâng hun hiáng chit pak tô͘, āu lâi bô leh iōng Facebook sóa it-ti̍t chhōe bô, kin-á-ji̍t chóng sǹg hō͘ góa chhōe tio̍h a！ Che sī góa ko-tiong lāu-su 蕭仁徵 tī i tú lâi Tâioân ê sî ōe ê Kelâng hit keng chitmá hō͘ lâng kóng sī kúi-ok ê chhù, i tī chèng chhiaⁿ-iāⁿê sî ê bô͘ iūⁿ. Chin súi！ iah koh bô khàm khí lâi ê 旭川河, khòaⁿ tio̍h che lán chiah ē bat khah chá chûn sī chin chiàⁿ kiâⁿ kàu Khám-á-téng ê！ 好多年前在臉書看到有人分享這幅畫, 後來我沒用臉書了, 卻一直找不到這幅畫．今天終於找到它了！ 這是我的高中導師蕭仁徵在初抵台灣時期所畫的基隆, 畫中那棟今天被當作鬼屋的樓房當時的風采, 真是美！ 還有尚未加蓋的旭川, 看到這圖就能想像過去船隻真的能開到今天的 Khám-á-téng （崁仔頂）！ Chhiat tô͘ goân thâu  截圖來源： Kok-ka bûn hòa kì-ek khò͘  國家文化記憶庫 link： https://tcmb.culture.tw/zh-tw/detail?indexCode=online_metadata&id=2625737