Italia ê iáⁿ-phìⁿ phòe-im
Lán tī Tâioân khòaⁿ gōakok tiāniáⁿ ē tàng thiaⁿ tio̍h goânpún ê gígiân, mā ū jībō͘ thang khòaⁿ. Che tùi himsióng tiāniáⁿ chokphín ê lâng lâi kóng sī chin oânchoân ê, lán put chí khòaⁿ mā ē tàng thiaⁿ tio̍h iáⁿphìⁿ goânpún ê hêngthāi. M̄ koh tī Italia, thiaⁿ kóng koh ū kî tha chi̍tkóa Auchiu kokka, in ê gôakok iáⁿphìⁿ lóng ē phòe im, iōng tong tē ê gígiân hòngsàng. Góa tō bat tī Italia khòaⁿ kóng italiano ê Bíkok tiāniáⁿ, goán pêngiú sī tī Tekkok khòaⁿ kóng Tekkok ōe ê 臥虎藏龍（m̄ chai sī m̄ sī kóng The hó͘ chông liông？） . Phòeim tī Italia sī chin tiòngiàu ê, kah che ū siongkoan ê hoane̍k, hoatim tiâu chiàⁿ ê hânggia̍p mā chin chē. Pí lùn kóng lán khòaⁿ tiānsī chiatbo̍k nā chhiáⁿ gōakok lâipin in ittēng ē ū chin choangia̍p ê hoane̍k jîngoân tī hiāntiûⁿ tôngpō͘ hoan e̍k, bē chhiūⁿ lán chia tiāⁿtiāⁿ sī chúchhîjîn tī hiah loān kóng.
Kináji̍t beh lâi hunhiáng chi̍t ê iáⁿphìⁿ tō sī leh kóng in ê phòeim hânggia̍p, lāité mā ē tàng thiaⁿ tio̍h tōa tōián Federico Ferini kóng ōe ê siaⁿ.
M̄koh che góa í siōng só͘ keng le̍k ê lóng sī chin chē nî chêng ê kenggiām, m̄ chai chitmá ū káipiàn bô. Chìchió, góa só͘ chai iáⁿ ê sī tī chap kúi nî chêng, Italia ê tōián Nanni Moretti tō soan pò tī in ê tianiáⁿīⁿ Cinema Nuono Sacher hòngsàng ê iáⁿphìⁿ lóng ē póliû goânpún ê gígiân, bô beh phòe im. （Khah chá góa bat khòaⁿ kòe pòtō, kóng hit keng tiāniáⁿīⁿ ê miâ ē kiò chò Sacher, sī in ūi Nanni Moretti ài chia̍h hit khoán kenn̄gko）
Commenti
Posta un commento