my favorite things...

我佇10年前畫的Napoli. Kan-na m̄ bat hun-hiáng kòe chit tiuⁿ tô͘. Che góa cha̍p nî chêng tī Napoli ōe ê tô͘. Kî si̍t goá pēng bô chin ài ōe tô͘, he eng-kai chí sī sè-hàn sî tōa lâng ê gō͘-kái kap ka-kī lóng bô leh su-khó só͘ chō sêng ê kiat-kó, góa chit-má kan-ta ē tī phō͘-á téng chhín-chhái chō niā-niā. 

Che sī 2019 nî jōa thiⁿ hip--ê, Ke-lâng Tiâu kéng kong hn̂g（潮境公園） khòaⁿ ê thiaⁿ sek. Thiaⁿ kóng che tō sī lâng kiò chò "Iah-so͘ kng" bô tō "thian-sài kng" ê  Crepuscular Ray. góa mā ū hip kòe kah che chiok sêng ê chi̍t pak hong-kéng, hit ê sī chū Hô-pêng-tó khòaⁿ ê.  Tī chia： https://mikiwici.blogspot.com/2022/12/ke-lang-ho-pheng-to-hai-keng_5.html

Góa í-keng bô leh siu-chip chúi-kó téng-bīn ê stickers,  m̄ koh khòaⁿ tio̍h sin ê mā sī ē chù-ì. Ē bīn che sī Joyfully Grown ê 4133 phōng-kó, í-chêng m̄ bat khòaⁿ kòe ê.

Tī Instagram khòaⁿ tio̍h 2 ê bāng lō͘ téng iú koan Italia ê té iáⁿ-phìⁿ hō͘ góa kám-kak chin chhù-bī. Kî-tiong chi̍t-ê sī Tâi-oân lâng chò--ê, chi̍t-ê sī Italia lâng chò--ê. Italia lâng chò--ê, sī leh kóng khì chhia-chām ê piān-só͘, ài seng long chhîn, kòe cha̍h-mn̂g（閘門）chiah ē-tàng ji̍p khì piān-só͘ tōa-thiaⁿ. Chit-má koh ē khí-kè, tùi 1€ khí kàu 2€. Po iáⁿ-phìⁿ ê lâng kóng kong-kiōng tiûⁿ-só͘ ē piān-só͘ che kám m̄-sī ài hō͘ só͘-ū ê lâng sú-iōng neh？ sī án-chóaⁿ soah ài la̍p chhîⁿ chiah ē-tàng iōng？ i mn̄g ta̍k-ke che kám ū ha̍p-lí？ Ē-bīn chin chē lâng jīn-ûi bô ha̍p-lí, m̄-koh mā ū bē-chió lâng kóng che chin ha̍p-lí, in mā kam-goān hù chîⁿ khì siōng chheng-khì ê piān-só͘, nā bô it-poaⁿ lóng chin lah-sap. （Góa tī Italia ê Napoli mā bat khì kòe hóe-chhia-chām ê piān-só͘, chin chiàⁿ tō sī án-neh, m̄-koh góa sī bô kám-kak ū la̍p chîⁿ ê ū kóng jōa chheng-khì）Khòaⁿ tio̍h in leh thó-lūn che, tō siūⁿ tio̍h lán Tâi-oân lâng tō khah bô chit chióng khùn-jiáu. Lán ê khoân-kéng bô lâng