Kobo 電子書閱讀器開箱 & 長期使用評價及缺點分析！6 吋 Clara HD / 2E 及 7 吋 Libra 2 比較，充電一次用多久？和...
Post
Rosa Lombardi "Voci da Taiwan"
I 10 migliori libri su Taiwan https://notiziescientifiche.it/i-10-migliori-libri-su-taiwan/
Kin-á-ji̍t ōe ê tô͘
Ē-àm tī chhia éng khòaⁿ tio̍h chit ê cha bó͘ gín-á, chhēng chhah chin téng chin, koh ū leh phòe sek, thâu mn̂g mā loah liáu chin chéng chê, chin ū te̍k sek.
Thian-lông（Sirius）kap la̍h-hō͘（Orion）
Cha-ám thiⁿ chiaⁿ chheng, giâ thâu tō khòaⁿ ē tio̍h Thian-lông-chhiⁿ(Sirius/天狼星/大犬座/canis major). 3 lia̍p liân chò hóe ê tō sī la̍h-hō͘-chō(Orion/獵户座) la̍h-jîn ê io tòa. Tò chhiú pêng siōng kim hit lia̍p tō sī Thian-lông-chhiⁿ. Gòa ê chhiú-ki-á chīn le̍k leh hip ah... kan-na ē tàng hip kah chit ê thêng tō͘. Che tong jiân sī piⁿ ah ū choan ka leh chí tiám, bô góa án-chóaⁿ khòaⁿ mā kan-na sī thiⁿ-chhiⁿ niā-niā.
Genova ê teng-thah
Che mā sī cha̍p nî chêng hip--ê. Genova ê teng-thah, in kā kiò chò la Lanterna. Chit ê teng-thah thiaⁿ kóng í-keng ū sì pah kúi nî ah. Beh khì hia ài chē tiān chhia koh kiâⁿ lō͘ kiâ ū kàu hēng chia ē kàu.
Genova ê lāu siòng-phìⁿ
Leh tán tiān-náu choán tóng-àn, lâi hun hiáng cha̍p nî chêng hip ê siòng-phìⁿ. Tē tiám sī Genova, góa hit sî tī pài-la̍k lóng ê tùi Milano chē 3 tiám cheng ê hóe-chhia kòe khì kiâⁿ kiân leh ê só͘-chái. M̄ koh chit tiuⁿ siòng-phìⁿ lí siáⁿ lóng khòaⁿ bô, in ūi he sī tī chûn téng hip--ê.
Lú-lâi-lú-chē lâng ài chhēng o͘ saⁿ
Chòe kīn hoat hiān chhēng o͘-sek ê lâng lú-lâi-lú-chē. Ū sî kui ê chhia siuⁿ lāi, 80 pha ê lâng lóng chhēng o͘-ê, koh m̄ sī chi̍t tiám--á o͘ niā-niā, bē chió lâng sī kui-seng-khu lóng chhēng o͘ ê. Ē kì-tit khah chá chhēng o͘ ê lâng bô hia chē, hit sî chhēng o͘-sek ê saⁿ sī chiok Cool ê kám-kak. Kan-na siáu-liân-lâng khah ài chhēng. Nā lāu-hóe--á, pí jû goán kong-si thâu-ke hit chióng khah kó͘-pán ê, lóng ē jīn ûi o͘-sek, khòng-sek chit khoán khah chhim sek lóng chin pháiⁿ kiat-tiāu. Ū sî nā tú hó pān-kong-sek khah chē lâng chhēng o͘ saⁿ thâu-ke ē liām. Góa khah chá mā chin ài chhēng o͘-sek ê saⁿ, goán má tō liām kòe góa kui tû--á lóng o͘ saⁿ, iah m̄ chhēng khah súi sek--ê. Góa mā bat ū chi̍t-ê Italia ê pêng-iú, ū chi̍t pái kôaⁿ-thiⁿ khì chhōe i, i lâi chhia chām chiap góa ê sî, tē it kù ōe tō sī：”lí ná kui seng-khu lóng chhēng o͘ ê lah！” Hit ê pêng-iú seⁿ loh chin iân-tâu koh kám-kak chiok sî-mô͘ ê, m̄ koh i chiok lāu-phài. Chit má ōaⁿ góa, khòaⁿ tio̍h chhēng o͘ saⁿ ê lâng lú-lâi-lú-