my favorite things...

Kin-á-ji̍t chóng-sǹg ū ki-hōe kā tông-sū kóng mài siuⁿ siong-sìn hit-ê tiāⁿ lâi loān kóng ê lâng kóng ê ōe. Chú-iàu sī ū chi̍t ê cháu khì sî-chit ah, chhut lâi tō leh kóng thâu-ke lóng bô iōng ka-sin lâi kā lâu. In tō leh khau kóng siáⁿ tī thâu-ke bīn-thâu-cheng hia âng lóng mā bē hoân-ló sin-súi, chhín-chhái sai-nai chi̍t--ê tō ka sin.  Góa tō kóng, lín chin-chiàⁿ mài siuⁿ thiaⁿ hit-ê siáⁿ kā lín kóng hia-ê ōe. Hit-ê lâng kap kî-tha ê lâng lóng bô siáⁿ kau-chhap, i ē chai siáⁿ？ In kóng i kóng ū khóaⁿ tio̍h kong-si ê sin-súi chu-liāu. Góa kóng hit-ê lâng ka-ki siong pan siáⁿ chêng hêng, ná ū siáⁿ chu-keh kóng pat-lâng. In sóa kóng, "Oa！ sī leh hō͘ siong phoe tàu oh."  Góa kóng m̄-sī ah, lí siūⁿ mah, i sī siáⁿ lâng, sī siáⁿ chit-bū, ná ē-tàng khòaⁿ tio̍h sin-súi ê chu-liāu？ i sī sàng hòe, koán chhng-khò͘ ê lâng, ná ē khì khòaⁿ hia ê mih-kiāⁿ？ Koh ū i kóng kî-tha ê lâng ka-pan lóng bô leh chò tài-chì, iah i kám ū kap lâng ka-pan kòe？ I kóng siáⁿ lâng khó koan-hē tō ka sin-súi

Góa sióng ài iōng goân-chú-pit ōe tô͘.  Mi piace molto disegnare con la biro. mā ū tah tī góa lēng gōa ê blog    mā-sī ū lâng ài iōng goân-chú-pit ōe tô͘, kî tiong ū góa chin kah-ì ê Alberto Giacometti ōe ê （in italiano） https://www.artistante.com/colore-storia-strumenti-risorse/la-biro-linvenzione-che-ha-cambiato-il-modo-di-scrivere-e-disegnare/

one of my favorites

Chahng chú koán bô siōng pan, hit ê ài sái-lāng-sū-hui ê kiam-chit tông-sū koh thàn sàng mih-kiāⁿ kòe--lâi ê sî leh loān kóng ōe. Goán hit saⁿ ê hō͘ i kóng kah siūⁿ beh sî-chit ê tông sū kâng khoán thiaⁿ kah khì phut-phut. I kā goán lēng gōa chi̍t-ê pān-kong-sek ê lâng kóng kah chiok hàm. Kóng in pò ka-pan kî si̍t lóng bô leh chò tāi-chì, kóng siáⁿ lóng iōng sai-nai niá khah koân ê sin-súi. Kóng kah í-keng sī chò iâu, húi-pòng ah. Koh kā goán hit kúi ê siàu liân tông-sū kóng koh tiàm chia tòa ē kè bē chhut khì. Kóng kah ū leh bú-jio̍k nî-kí tōa koh bô kiat-hun ê lú sèng. In hit kúi ê tō kín tiuⁿ kah neh. Góa kiò sī in hia ê thiaⁿ kóng tī se-iûⁿ tiàm kòe ê, koh ê siūⁿ beh chhut kok kiù hái-ku ê chìn-pō͘ hūn-chú, ná ē siūⁿ tio̍h ē kè bē chhut khì tō kín-tiuⁿ？！In leh kóng siáⁿ kah siáⁿ lî khui chit ê kong-si tō kiat-hun, lóng bô siūⁿ kóng lâng in pún lâi tō ū tùi-siōng leh kau-óng. Ka-kī bô châi-tiāu leh koài kong-si. Góa mā sī chin phòe-ho̍k. ps. kin-á-ji̍t beh koh lâi thiaⁿ 小田和正 i ê

chin hó thiaⁿ koh chin ū ì-gī ê koa.

Téng pái kóng goán pān-kong-sek ū saⁿ ê tông sū in ūi kè-ōe beh thê tio̍h nî-bóe chióng-kim tō beh má siōng cháu, ta̍k ji̍t lóng leh hiâm-tang-hiâm-sai, éng-hióng kî-tha lâng ê sim-chêng. Pài gō͘ àm kong-si téng thâu ū lâng sîn-sîn-pì-pì chhiáⁿ in saⁿ lâng khì chia̍h pn̄g, chìn chêng ū khì hō͘ góa thiaⁿ tio̍h. Góa chitmá tō beh lâi koan chhat in sòa lo̍h--lâi ê giân-lūn, khòaⁿ ū khì hō͘ lâng so-thâu-khak--bô.

Goán pān-kong-sek ū saⁿ ê lâng chún pī beh sî-chit, ta̍k kang kóng kah chiok tōa siaⁿ, m̄ koh chú koán lâi ê sî tō koai koai. Ài koh hoân ló nā siuⁿ chá kóng kong-si m̄ hō͘ in nî-té-chióng-kim, koh kiaⁿ siu-ká iah bē siu oân kong-si ē m̄ hō͘ in chîⁿ. Chi̍t khai-sí góa ē kah in kóng, in-ūi chin chiàⁿ sī ū sî ē ū koá put boán ê tāi-chì. āu lâi góa kám-kak in án-neh lú kóng lú tōa siaⁿ, chin bô chun tiōng bô beh sî chit ê lâng ê kám-kak. In chit má nā chú koán chi̍t cháu tō tōa siaⁿ leh kóng sî-chit kè-ōe, góa í keng kám-kak chiok hoân, lóng tóng chò góa leh thiaⁿ podcast, bô thiaⁿ tio̍h in leh kóng siáⁿ. Góa sī jīn ûi kóng goán pān-kong-sek bô tōa keng, lāi bīn chiah 6-7 ê lâng, mā bô kè keng, in tōa siaⁿ leh khau sé leh phoe pêng, ta-ke lóng i̍t tēng ē/ài thiaⁿ tio̍h. Mā m̄ sī ta-ke lóng beh sî chit. Goán kong-si sī sin-súi bô koân, thâu-ke mā m̄ sī kóng khok, tō m̄ sī thán tōa chîⁿ ê hâng-gia̍p mah. In kám-kak kheh-hō͘（lóng kong-ka ki-koan）chin káu-koài, chin piàn-thài, bô siūⁿ beh

Góa sī tōa kīn sī, chòe kīn tán chheⁿ-âng-teng ê sî hoat hiān tāi ha̍k sok-siā ê piah-kak-á ū chi̍t ê ná gû iah sī siáⁿ tōng-bu̍t ê mih-kiāⁿ chhāi tī hia. Hoâiⁿ tit góa khòaⁿ iah bē chheng-chhó, tō seng kā hip khí--lâi chiah kóng. Kiat kó chiah chai he kin pún m̄ sī siáⁿ gû iah sī káu, lâng sī chi̍t ê seⁿ sian ê mò͘-tà lah！ 

Chin kú bô khì liān cháu-pio. Cha khòaⁿ thiⁿ-khì chiok hó soah bē tàng khì cháu tō kám-kak chin khó sioh. Kiat kó àm sî soah bîn bāng tio̍h khì cháu Marathon, cháu kah chiok khin sang mā lóng bē thiám. Sim lāi sī hoaⁿ hí kah, hoaⁿ hí chòe kīn sūi jiân bô khì Ke-lâng hô piⁿ cháu, m̄-koh tī chhù nih góa mā sī lóng ū liān ki pún kang（tō sī kiaⁿ kú bô cháu it chhè ē 砍掉重練）, siáⁿ chai chái chhéⁿ-khí--lâi, hoat hiān it chhè lóng sī leh hām bîn. 😴 ps. m̄ koh ki pún kang chin chiàⁿ ū leh liān.