It chhè lóng sī bāng

Di miki tiuⁿ -

Chin kú bô khì liān cháu-pio. Cha khòaⁿ thiⁿ-khì chiok hó soah bē tàng khì cháu tō kám-kak chin khó sioh. Kiat kó àm sî soah bîn bāng tio̍h khì cháu Marathon, cháu kah chiok khin sang mā lóng bē thiám. Sim lāi sī hoaⁿ hí kah, hoaⁿ hí chòe kīn sūi jiân bô khì Ke-lâng hô piⁿ cháu, m̄-koh tī chhù nih góa mā sī lóng ū liān ki pún kang（tō sī kiaⁿ kú bô cháu it chhè ē 砍掉重練）, siáⁿ chai chái chhéⁿ-khí--lâi, hoat hiān it chhè lóng sī leh hām bîn. 😴

ps. m̄ koh ki pún kang chin chiàⁿ ū leh liān.

Commenti

Posta un commento

Post popolari in questo blog

Kó͘-chui ê káu-á

Di miki tiuⁿ -
Immagine
Chin kú bô ōe tô͘, kî-si̍t góa m̄ sī chin ài ōe tô͘. Kin-á-ji̍t tū Twitter khòaⁿ tio̍h lâng ê iáⁿ phìⁿ lāi-bīn, hit ê lâng ê káu-á ū-káu kó͘-chui, tō thê goân-chú-pi̍t kā ōe khí--lâi. Góa kám-kak goân-chú-pi̍t sī siōng hó iōng ê kang-kū.
Continua a leggere

Ē khì hō͘ lâng sái-lāng, sī chi̍t chióng “si̍p-koàn”.

Di miki tiuⁿ -
Kin-á-ji̍t chóng-sǹg ū ki-hōe kā tông-sū kóng mài siuⁿ siong-sìn hit-ê tiāⁿ lâi loān kóng ê lâng kóng ê ōe. Chú-iàu sī ū chi̍t ê cháu khì sî-chit ah, chhut lâi tō leh kóng thâu-ke lóng bô iōng ka-sin lâi kā lâu. In tō leh khau kóng siáⁿ tī thâu-ke bīn-thâu-cheng hia âng lóng mā bē hoân-ló sin-súi, chhín-chhái sai-nai chi̍t--ê tō ka sin.  Góa tō kóng, lín chin-chiàⁿ mài siuⁿ thiaⁿ hit-ê siáⁿ kā lín kóng hia-ê ōe. Hit-ê lâng kap kî-tha ê lâng lóng bô siáⁿ kau-chhap, i ē chai siáⁿ？ In kóng i kóng ū khóaⁿ tio̍h kong-si ê sin-súi chu-liāu. Góa kóng hit-ê lâng ka-ki siong pan siáⁿ chêng hêng, ná ū siáⁿ chu-keh kóng pat-lâng. In sóa kóng, "Oa！ sī leh hō͘ siong phoe tàu oh."  Góa kóng m̄-sī ah, lí siūⁿ mah, i sī siáⁿ lâng, sī siáⁿ chit-bū, ná ē-tàng khòaⁿ tio̍h sin-súi ê chu-liāu？ i sī sàng hòe, koán chhng-khò͘ ê lâng, ná ē khì khòaⁿ hia ê mih-kiāⁿ？ Koh ū i kóng kî-tha ê lâng ka-pan lóng bô leh chò tài-chì, iah i kám ū kap lâng ka-pan kòe？ I kóng siáⁿ lâng khó koan-hē tō ka sin-súi
Continua a leggere