Joa̍h-thiⁿ ê thâng-thōa 熱天ê蟲豸

Joa̍h-thiⁿ sî goán tau hù-kīn tiāⁿ-tiāⁿ tō ē khòaⁿ tio̍h Gû-kak-oaiⁿh（牛角踒/山牛犅/華語：天牛）

chit khoán sī 桑天牛 Apriona rugicollis（Chevrolat,1852）, goán chiah ta̍k nî lóng ē khòaⁿ tio̍h. Gōa khòaⁿ tio̍h i ê sî, i í-keng beh-sí-beh-sí theⁿ ti̍h goán tau chàu-kha, i ê kha mā tn̄g chi̍t ki, góa kā khioh--khí--lâi khǹg tī chèng hoe ê só͘-chāi. Goán hia khah chá liân Lo̍k-kak-oaiⁿh（獨角仙） mā ū, chin kú bô khòaⁿ tio̍h ah.

Lēng-gōa chit chiahchiah ti-tu sī góa thâu pái khòaⁿ tio̍h--ê, che sī 白綠鬼蛛 Araneus pentagrammicus (Karsch, 1879) mā kiò chò 五紋鬼蛛、五紋圓蛛. Tô͘ lāi ū chi̍t ki niau-á ê chhùi-chhiu, tú hó ē-tang chò pí-lē ê mi̍h-kiāⁿ lâi khòaⁿ i ê tōa-sè. Góa khòaⁿ tio̍h i ê sî mā sī sí ah, theⁿ tih thô͘ kha.