K*n!

Ē-po͘ leh chhōe chu-liāu ê sî khòaⁿ tio̍h leh siàu-kài Italia ê Torino lí-kang tāi-ha̍k, in kóng he sī Au-chiu sǹg chin hó ê tāi-ha̍k. K*n! Góa khì siūⁿ tio̍h khah chá sek sāi ê chi̍t ê Italia ê cha-po͘, i thé-keh hó, lâng mā bē bái, âng-á-bīn sǹg OK, sī chò siau-hông-cho͘ ê. Góa í-chêng chin kah-ì i, goán bô chèng-sek kau-ó͘ng, m̄-koh ū chi̍t tōaⁿ khám-khám-khiat-khiat ê koan-hē（tùi in lâi kóng, chèng-sek kau-ó͘ng ê piau-chún sī chin giâm-keh ê ）.

I it-chhè khòaⁿ--khí--lâi lóng bē bái, m̄-koh ū sî kóng ōe hō͘ góa kám-kak gōng-gōng...koh ū kóa kò͘-chit, góa tiāⁿ-tiāⁿ ê hoâi-gî i tha̍k kòe hit keng tāi-ha̍k, koh sī tha̍k Tiān-chú-thong-sìn ê. I sèng-tē mā ū kàu tōa, chò pêng-iú lâng chin chhin-chhiat, nā lú kiâⁿ lú óa, i tō bô leh tùi lí kheh-khì. Góan oan ke kúi loh pái, i kóng i sī kā góa tòng chò chhù lāi té ê chi̍t hūn chú, i ū sî khah kip, kiò góa m̄-thang kiàn-koài......chóng kóng tō sī i lóng tio̍h. 

K*n! Kin-á-ji̍t hoat hiān i tha̍k kòe hia lī-hāi ê tāi-ha̍k, oân choân kap i ê thâu-náu kap hêng-ûi ha̍h bē khí--lâi！

Ps. 

góa siōng ài chhiò ū chi̍t mî goán tī Roma leh sàn-pō͘, chi̍t ê Bí-kok-á lâi mn̄g goán kám chai tó ūi ū ATM. Góa kā Bí-kok-á kóng ê sî, i tiām-tiām siám chi̍t piⁿ, ná niau-á bô piáu chêng. Góa kap Bí-kok-á kóng soah, góa kè-sio̍k sàn-pō͘, i iu-iu-á mn̄g kóng, ATM sī siáⁿ？ Góa bô piáu sī kiaⁿ-kî, tō kā kóng he sī siáⁿ. Ū chi̍t kang góa tō mn̄g I “Lí kám ē hiáu Eng-gí？” I kóng ē ah. Góa mn̄g i thêng-tō͘ án-chòaⁿ, i kóng “Tāi-ha̍k ê thêng-tō͘” Góa sim-lāi leh siūⁿ ：“Phiàn siáu！”  Tong jiân góa bô kā kóng, nā bô I ē khì-phut-phut.