Different types of gull
Post
K*n!
Ē-po͘ leh chhōe chu-liāu ê sî khòaⁿ tio̍h leh siàu-kài Italia ê Torino lí-kang tāi-ha̍k, in kóng he sī Au-chiu sǹg chin hó ê tāi-ha̍k. K*n! Góa khì siūⁿ tio̍h khah chá sek sāi ê chi̍t ê Italia ê cha-po͘, i thé-keh hó, lâng mā bē bái, âng-á-bīn sǹg OK, sī chò siau-hông-cho͘ ê. Góa í-chêng chin kah-ì i, goán bô chèng-sek kau-ó͘ng, m̄-koh ū chi̍t tōaⁿ khám-khám-khiat-khiat ê koan-hē（tùi in lâi kóng, chèng-sek kau-ó͘ng ê piau-chún sī chin giâm-keh ê ）. I it-chhè khòaⁿ--khí--lâi lóng bē bái, m̄-koh ū sî kóng ōe hō͘ góa kám-kak gōng-gōng...koh ū kóa kò͘-chit, góa tiāⁿ-tiāⁿ ê hoâi-gî i tha̍k kòe hit keng tāi-ha̍k, koh sī tha̍k Tiān-chú-thong-sìn ê. I sèng-tē mā ū kàu tōa, chò pêng-iú lâng chin chhin-chhiat, nā lú kiâⁿ lú óa, i tō bô leh tùi lí kheh-khì. Góan oan ke kúi loh pái, i kóng i sī kā góa tòng chò chhù lāi té ê chi̍t hūn chú, i ū sî khah kip, kiò góa m̄-thang kiàn-koài......chóng kóng tō sī i lóng tio̍h. K*n! Kin-á-ji̍t hoat hiān i tha̍k kòe hia lī-hāi ê tāi-ha̍k, oân choân kap i
Hái chiáu
Ū chi̍t pái bîn-bāng tio̍h goán Ke-lâng piàn kah ná góa chin ài-khì ê Italia chi̍t-ê to͘-chhī Genova kâng-khoán hia súi... Án-ne m̄-chai sī sǹg hó iah sī bô hó? Chi̍t-ê to͘-chhī chèng-siông ê chêng-hêng, lóng ū ka-kī ê te̍k-sek, m̄ bián khì sêng pa̍t-ê só͘-chāi. M̄-koh khah chá góa tī Genova ê sî, ū sî ē kám-kak i ū ê kak-tō͘ hō͘ góa siūⁿ tio̍h Ke-lâng. Tī Italia ê sî góa hán-leh siūⁿ khí Tâi-oân, m̄-koh kián nā khì kàu Genova, góa soah it-tēng ē siūⁿ-tio̍h Ke-lâng káng. I khí kah kui soaⁿ pêng ê chhù, kap Ke-lâng kái sêng, ûi-it bô kâng ê chi̍t tiám, tō sī tī Genova kah tī kî-thaⁿ hái-káng kâng-khoán, lóng ū hái-chiáu ê kih-kih-kah-kah ê kiò-siaⁿ, tī Ke-lâng lóng bô, Ke-lâng káng ê bā-hio̍h hán-leh chhut-siaⁿ. Thiaⁿ kóng siōng-phìⁿ lâi té chit khoán hái-chiáu , tâi-gí kiò chò Hái-ke-bó.. iah nā kangê neh？ （Italiano kiò chò il GABIANNO, nā 2 chiah tō ài kóng i gabianni, che góa tī 2010 nî tī Roma hip--ê）
siūⁿ beh bé eReader
Ū pêng-iú khì Italia, chhiáⁿ i thé góa bé chheh, kiat-kó i siūⁿ bô êng, bô bé tio̍h. Góa tō siūⁿ kóng iah bô góa lâi bé chi̍t tâi eReader hó ah, hoâiⁿ-tit góa chit-má mā bô pān-hoat chhut-kok ah, bé tiān-chú-chheh mā hó. Sui-jiân góa sī khah ài thoân-thóng ê chóa chheh. M̄-koh tī góa leh chhâ chhōe tó chi̍t tâi ki-khì ê chu-siâⁿ ē-tàng bé Italiano ê chheh sî, khóaⁿ tio̍h in kiàn khui chhut ê Italia ê chheh lóng sī si̍t-phó͘ kap lú-iû ê, tō͘ kui pak-tó͘ hóe！Ná ē táng tùi chi̍t ê kok-ka ê chu-sìn éng oán lóng sī chia ê？ Kám bô kî tha ah？ Góa koat tēng kàu sî iah sī hiòng Italia ê bāng-lō͘-chheh-tiàm bé.
