2 ê iú koan Italia ê té iáⁿ-phìⁿ
Tī Instagram khòaⁿ tio̍h 2 ê bāng lō͘ téng iú koan Italia ê té iáⁿ-phìⁿ hō͘ góa kám-kak chin chhù-bī. Kî-tiong chi̍t-ê sī Tâi-oân lâng chò--ê, chi̍t-ê sī Italia lâng chò--ê.
Italia lâng chò--ê, sī leh kóng khì chhia-chām ê piān-só͘, ài seng long chhîn, kòe cha̍h-mn̂g（閘門）chiah ē-tàng ji̍p khì piān-só͘ tōa-thiaⁿ. Chit-má koh ē khí-kè, tùi 1€ khí kàu 2€. Po iáⁿ-phìⁿ ê lâng kóng kong-kiōng tiûⁿ-só͘ ē piān-só͘ che kám m̄-sī ài hō͘ só͘-ū ê lâng sú-iōng neh？ sī án-chóaⁿ soah ài la̍p chhîⁿ chiah ē-tàng iōng？ i mn̄g ta̍k-ke che kám ū ha̍p-lí？ Ē-bīn chin chē lâng jīn-ûi bô ha̍p-lí, m̄-koh mā ū bē-chió lâng kóng che chin ha̍p-lí, in mā kam-goān hù chîⁿ khì siōng chheng-khì ê piān-só͘, nā bô it-poaⁿ lóng chin lah-sap. （Góa tī Italia ê Napoli mā bat khì kòe hóe-chhia-chām ê piān-só͘, chin chiàⁿ tō sī án-neh, m̄-koh góa sī bô kám-kak ū la̍p chîⁿ ê ū kóng jōa chheng-khì）Khòaⁿ tio̍h in leh thó-lūn che, tō siūⁿ tio̍h lán Tâi-oân lâng tō khah bô chit chióng khùn-jiáu. Lán ê khoân-kéng bô lâng hiah súi, m̄-koh lán ē-tàng m̄-bián hoân-ló chit chióng būn-tê hó-hó--á sē ke. Mā sī chin su-sī.
Iah nā hit ê Tâi-oân lâng chò-ê neh, i sī leh kóng “italia sek ê seng-oa̍h thiat-ha̍k”（ài iōng Hôa-gí khì siūⁿ）, i sī iōng kúi tiuⁿ siòng-phìⁿ leh kóng chi̍t-kóa lán chia sì-kè lóng ē thiaⁿ tio̍h lâng kóng ê, lán mā "sek-sāi" kah ū chhun hit khoán, kóng in lóng chia̍h hó mih, lim hó ka-pi, chheng-chhà パリパリ, kui kang êng-êng, khin-khin sang-sang, it chhè lóng súi hit chióng ê seng-oa̍h.
Góa bô beh tùi 2 ê iáⁿ-phìⁿ chò pêng-lūn, chí sī sio liân soah chhui-sak ho͘ góa khòaⁿ tio̍h 2 ê iáⁿ-phìⁿ leh kóng kâng chi̍t-ê kok-ka, chi̍t-ê sī pún-kok lâng, chi̍t-ê sī gōa-kok lâng, in khòaⁿ ê kak-tō͘ oân-choân bô kâng, chin chhù-bī.
Italia lâng chò--ê, sī leh kóng khì chhia-chām ê piān-só͘, ài seng long chhîn, kòe cha̍h-mn̂g（閘門）chiah ē-tàng ji̍p khì piān-só͘ tōa-thiaⁿ. Chit-má koh ē khí-kè, tùi 1€ khí kàu 2€. Po iáⁿ-phìⁿ ê lâng kóng kong-kiōng tiûⁿ-só͘ ē piān-só͘ che kám m̄-sī ài hō͘ só͘-ū ê lâng sú-iōng neh？ sī án-chóaⁿ soah ài la̍p chhîⁿ chiah ē-tàng iōng？ i mn̄g ta̍k-ke che kám ū ha̍p-lí？ Ē-bīn chin chē lâng jīn-ûi bô ha̍p-lí, m̄-koh mā ū bē-chió lâng kóng che chin ha̍p-lí, in mā kam-goān hù chîⁿ khì siōng chheng-khì ê piān-só͘, nā bô it-poaⁿ lóng chin lah-sap. （Góa tī Italia ê Napoli mā bat khì kòe hóe-chhia-chām ê piān-só͘, chin chiàⁿ tō sī án-neh, m̄-koh góa sī bô kám-kak ū la̍p chîⁿ ê ū kóng jōa chheng-khì）Khòaⁿ tio̍h in leh thó-lūn che, tō siūⁿ tio̍h lán Tâi-oân lâng tō khah bô chit chióng khùn-jiáu. Lán ê khoân-kéng bô lâng hiah súi, m̄-koh lán ē-tàng m̄-bián hoân-ló chit chióng būn-tê hó-hó--á sē ke. Mā sī chin su-sī.
Iah nā hit ê Tâi-oân lâng chò-ê neh, i sī leh kóng “italia sek ê seng-oa̍h thiat-ha̍k”（ài iōng Hôa-gí khì siūⁿ）, i sī iōng kúi tiuⁿ siòng-phìⁿ leh kóng chi̍t-kóa lán chia sì-kè lóng ē thiaⁿ tio̍h lâng kóng ê, lán mā "sek-sāi" kah ū chhun hit khoán, kóng in lóng chia̍h hó mih, lim hó ka-pi, chheng-chhà パリパリ, kui kang êng-êng, khin-khin sang-sang, it chhè lóng súi hit chióng ê seng-oa̍h.
Góa bô beh tùi 2 ê iáⁿ-phìⁿ chò pêng-lūn, chí sī sio liân soah chhui-sak ho͘ góa khòaⁿ tio̍h 2 ê iáⁿ-phìⁿ leh kóng kâng chi̍t-ê kok-ka, chi̍t-ê sī pún-kok lâng, chi̍t-ê sī gōa-kok lâng, in khòaⁿ ê kak-tō͘ oân-choân bô kâng, chin chhù-bī.
Commenti
Posta un commento