bû-giân

Ū chi̍t kang goán 19 hòe ê ti̍t-á leh kóng m̄-chai sī án-chóaⁿ Kok-hông-pō͘ tiúⁿ lóng chi̍t-kóa kî koài koh bē piàn-khiáu ê lâng, I kóng kah chhì-giâ-giâ ：”sī án-chóaⁿ？『Tû-chhâi ma』？”

19 hòe ài khòaⁿ kun-sū iáⁿ-phìⁿ kap 『Koân-châng』『Fán-chhî-fêi』chi̍t lūi ê YT, koh kám-kak 『Lân-lyú to hên lán, pâi seh pî-chiáu chhing liân』. Góa m̄ bián siūⁿ mā chai『Tû-chhâi』chi̍t khoán hêng-iông eng-kai mā m̄ sī i ka-kī ê kóng hoat.

Góa tō kā kóng, kok-hông-pō͘ tiúⁿ kap kun-hong ê lâng chin hāi, m̄ sī to̍k-chhâi ê kiat-kó. Che sī jīm iōng lâng ê sî chi̍t-kóa khó lū ê kiat-kó, Iah nā kóng to̍k-chhâi, lí kám chai to̍k-chhâi kok-ka sī siáⁿ khoán？ Nā sī lí liân to̍k-chhâi sī siáⁿ lóng m̄-chai tō kóng Tâi-oân chip-chèng-tóng to̍k-chhâi, góa jīn-ūi sī in-ūi lí m̄-bat loān-kóng. Nā sī hia ê chèng-tī jîn-bu̍t, kí-chiá, youtuber kóng ê, in tō sī pháiⁿ sim, in ūi chèng-tī jîn-bu̍t kap kí-chiá bô lí-iû kóng in m̄-chai, Nā sī youtuber mā kâng-khoán, in ūi in chò chiat-bo̍k mā bô chu-keh ōe sa leh o͘-pe̍h-kóng. Tâi-oân nā to̍k-chhâi,lán kám ū khó lêng chē tiàm chia kóng chia ê？ Lí kám ū khó lêng khóaⁿ tio̍h hia ê lâng ê YT iáⁿ-phìⁿ？

In he chhù-lāi tōa lâng kóng ōe lóng bô sáⁿ ài sì--ê, má-siōng tō khì google 『Tû-chhâi』ah. 

Hia ê lâng ōe sa leh loān kóng, tō sī khò-sè it-poaⁿ lâng bē khì chhâ, bô leh hoâi-gî, thiaⁿ sóng tō hó. hāi he cha̍p kúi hōe tng khai sí beh chìn ji̍p siā hōe ê siáu-liân gō͘ sìn. Chin khó-òⁿ！